Yuunivarsiitiin Booranaa Hospitaalota Godina Booranaa Afuriif Deeggarsa Kompuutaroota Deskiitooppii Kennuun Xumure

Share this post on:

Yaaballoo, Booranaa | Bitootessa 19, 2018
‎
‎Yuunivarsiitiin Booranaa ,kutannoo isaa cimaa tajaajila hawaasaa irratti qabuun, hojii tajaajila fayyaa Godina Booranaa dijitaalessuuf jalqabe milkiin xumureera. Deeggarsa kanaan dura Hospitaala Waliigaala Nageellee Booranaa, Hospitaala Jalqabaa Mooyyalee fi Hospitaala Jalqabaa Meeggaaf taasifame hordofuun, deeggarsi kun har’a Hospitaala Jalqabaa Taltalleetiif kompuutaroota deskiitooppii kennuun xumurameera. Raabsinsa teeknoloojii ta’e kanaan, dhaabbileen fayyaa gurguddoon kunneen tajaajila yaalaa isaanii ammayyeessuu danda’u.
‎
‎Kaayyoon ijoo deeggarsa kanaa teeknoloojii dijitaalaa sirna fayyaa keessatti hidhachiisudha. Deeggarsi kun qabiinsa galmee dhukkubsataa ammayyeessuu, wal-jijjiirraa odeeffannoo fayyaa ariifachiisuu fi waliigala qulqullina tajaajila fayyaa hospitaalota kanaan kennamu haala barbaachisaa ta’een fooyyessuuf kan karoorfamedha.
‎
‎Hojii-gaggeessitoonni hospitaalota kunneenii deeggarsa taasifameef galata guddaa dhiyeessuun, tarkaanfiiwwan bu’a qabeessa Yuunivarsiitiin Booranaa hawaasa deeggaruuf fudhachaa jiru dinqisiifataniiru.
‎
“Dedicated to Resilient Pastoral Future”

Public and International Relations Executive

Share this post on:

Leave a Reply

Your email address will not be published. Required fields are marked *