ቦረና ዩኒቨርሲቲ ለመካከለኛ አመራሮቹ በሪፎርም አጀንዳዎች ዙሪያ የግንዛቤ ማስጨበጫ ስልጠና አካሄደ

Share this post on:

ቦረና ዩኒቨርሲቲ | ጥቅምት 6 ቀን 2019 ዓ.ም.

ቦረና ዩኒቨርሲቲ በከፍተኛ ትምህርት ተቋማት የሪፎርም አጀንዳዎች ዙሪያ ለተቋሙ መካከለኛ አመራሮች ሰፊ የግንዛቤ ማስጨበጫ ስልጠና በተሳካ ሁኔታ አካሂዷል። በዩኒቨርሲቲው የተቋማዊ ለውጥ ሥራ አስፈጻሚ የተዘጋጀው የዚህ ስልጠና ዋና ዓላማ አመራሮቹ በከፍተኛ ትምህርት ዘርፍ እየተተገበሩ ስላሉት ተቋማዊ የለውጥ አጀንዳዎች ምንነት፣ አስፈላጊነትና አፈጻጸም ሂደቶች ላይ በቂ ግንዛቤን ለመገንባት ነው።

የመድረኩን መክፈቻ ያከናወኑት የቦረና ዩኒቨርሲቲ ፕሬዚዳንት ዶ/ር በፈቃዱ ጨመረ ባስተላለፉት መልዕክት፣ ይህ የአቅም ግንባታ ስልጠና የአመራሩን የለውጥ አስፈጻሚነት አቅም በማሳደግ ዩኒቨርሲቲው የጀመራቸውን ሀገራዊ የሪፎርም ስትራቴጂዎች በስኬት ለማሳካት የጎላ ሚና እንደሚኖረው ገልጸዋል።

ይህ አጠቃላይ የአቅም ግንባታ መድረክ ከፌደራል ትምህርት ሚኒስቴር በተገኙ ከፍተኛ የሪፎርም ባለሞያዎች የተመራ ሲሆን፣ በሦስት ቁልፍ አጀንዳዎች ላይ ትኩረቱን ያደረገ ነበር። እነሱም፦ የከፍተኛ ትምህርት የሪፎርም አጀንዳዎች እና ሀገራዊ የለውጥ ስትራቴጂዎች፣ እሴትን የተላበሰና ስነ-ምግባራዊ አመራር መገንባት፣ እንዲሁም በተቋሙ ውስጥ የተገልጋዮችን እርካታ ለማሳደግ ታስቦ የተነደፈው የአገልግሎት አሰጣጥ ሪፎርም ማሻሻያ ናቸው። ባለሞያዎችም በእነዚህ አጀንዳዎች ዙሪያ ሰፊና ዝርዝር ማብራሪያዎችን ለተሳታፊዎቹ አቅርበዋል።

ከስልጠናው በኋላ የመካከለኛ አመራር አባላቱ እነዚህን ተቋማዊ ሪፎርሞች እና የአገልግሎት ማሻሻያዎች ላይ ሰፊና ዝርዝር ውይይት አድርገዋል።

ተሳታፊዎቹ በውይይቱ ወቅት እንደገለጹት፣ ከባለሞያዎቹ የተሰጠው ወቅታዊ ስልጠና የተጣለባቸውን ተቋማዊ ኃላፊነት በላቀ የውጤታማነት ደረጃ ለመወጣት ትልቅ አቅም እንደሚፈጥርላቸው ጠቁመዋል።

​”Dedicated to Resilient Pastoral Future”

ዓለም አቀፍ ግንኙነት ሥራ አስፈፃሚ

ለተጨማሪ መረጃ በማኅበራዊ ትስስር ገጾቻችን ይከተሉን፡-

LinkedIn: https://www.linkedin.com/company/borana-university/

Telegram: https://t.me/BRU_Official1

Facebook: https://www.facebook.com/BoranaUniversityBRU1

Website: www.bru.edu.et

YouTube: https://www.youtube.com/@BoranaUniversity

E-mail: irc@bru.edu.et

Share this post on:

Leave a Reply

Your email address will not be published. Required fields are marked *